Saaxiibada sharafta leh, waxaa halkan jira dhowr arrimood oo lagaaga baahan yahay inaad kala garatid.. ha guursan mid ka mid ah gabdhaha ama haweenka aan hoos ku sheegi doono, waxaana ay kala yihiin:

Haweenta iska dhigta sida ragga oo kale.

Waa haweeney ku kibiratay dumar ahaanshaheeda iyo soo jiidashadeeda, haween waxaa ugu qurux badan midda dhedignimadeeda ku faanta,kana muuqdo jil jileec iyo dabacsanaan, taas ayaa ah waxa ragga soo jiita ee ka dhiga in uu jeclaado xaaskiisa.

Laakiin hadii uu dareemo inuu la noolyahay haweeney leh tilmaamaha ragga oo kale, sidee ayuu ula macaamili doonaa haweentaa oo kale oo aan waxba ha garaneen dhedig ahaanshaheeda ilaa iyo magaceeda mooyee, waxaa bahdila haweenka waa midda qeylada badan ee leh codka foorida u eg iyo midda timaheeda maqas-ka ku jarta ee gaabisa iskuna ekeysiisa ragga.

Haweenta madax faluuqa qabta ( madax adeeg).

Waa haweeney had iyo jeer iskudayda inay ninkeeda ku qanciso fikrado khaldan oo ay aaminsan tahay , talooyinka uu soo jeediyana dheg jalaq uma siiso oo danaheeda ayey ka sii raacataa , waxayna isku daydaa in codsi waliba oo uu soo bandhigo inay gebi ahaan ay baabi’iso ama ay dib u dhigto , waxayna sheegataa xanuun iyo caajis joogto ah oo anshax ay ka dhigatay inay ku marmar siyooto, waxaa adag qoftaasi in la qanciyo , waayo dadka oo idil ayey amaantaa marka laga reebo ninkeeda , waana arrin laga wada dheregsan yahay.

Haweenta xanaaqa badan ( torobo neerfo)

Haweentu xanaaqeedu uu dhow yahay , waxay la timaadaa waxyaabo xun oo dhib u keeni nolosha ninka qaba, waayo hadii buuq yar uu jiro cirka ayey ku shareertaa si deriska iyo dadka wadada maraya ay u wada maqlaan, waxay dharbaaxdaa wejigeeda oo ay jeex jeexdaa dharkeeda, waxayna sheegtaa in nin xun nasiibkooda uu noqday.
Ninka guursadaha ah ee haweenta noocan oo kala ah ku soo aada waxaa u wanaagsan inuu noqdo qof dulqaad badan oo isku dayi kara inuu xoogaa dabciyo dabeecadaha qalafsan ee ay leedahay xaaskiisa.

Haweenta ay ku yartahay aqoon-ta diinta islaamka.

Waa haweeney aan wax muhiimad ah siineyn arrimaha diinta islaamka, waxayna muujisaa quruxdeeda, waxay isku jajabisaa hadalka, umana aaba yeesho oo sidii ay doonto ayey isaga qososhaa, hadii loo wacdiyo waxay tiraahdaa “waan aqaanaa” waayo iimaanka qalbiga ayuu ku jiraa, waxayna ninkeeda ku sheegtaa inuu yahay beenlow.



W/diyaariyay : Ali Abdi Ali “Suheifa”
asuheifa@hotmail.com
Mogadishu-Somalia
FG. Qormadan waxay u gaartahay Markacadey ee ku xushmeey shabakada oo haku dhaqaaqin xatooyo.