Gabadha reer Britain ee lagu magacaabo Randy Terry oo 25 jir ah ayaa ku fashilantay inay qaboojiso xiisada uu ka hayo dhanka jaceylka xad dhaafka ah ee ay u qabto galmoodka , inkastoo ay cusbitaal u gashay sidii arrinkaasi ay isaga daweyn laheyn.

Gabadhan ayaa waxa ay gogol galmood ah la sameysay in ku dhow kun nin , iyadoo sheegtay inay tahay qof u dhiban arrinkan sida uu qoray wargeyska News of the World ee ka soo baxa dalka Britain oo todobaadle ah .

Terry oo ka shaqeysa xarun qaabilsan xiriirada dabadhilifyada ayaa sheegtay inay u baahan tahay sidii ay u sameyn laheyd galmood marar badan , waxaana ay qiratay inaaney suuragal aheyn inay iska qabato sida ay ugu marqaanto galmoodka, mararka qaarkood-na waxay u gaarsataa “ rag gogosha la wadaaga” iyadoo ka baadi goobata internet-ka , iyadoo aan u kala aaba-yeeleyn dalalka ay ku kala abtirsadaan dadka ay internet-ka ka barato.

Randy oo ka soo jeeda deegaanka Denham, ayaa waxaa ay tiri mar ay la hadleysay wargeyska “ arrintani waa mid murug sii gelinaya mushkilada i heysata, waxaana aad u jeclahay oo aan ka helaa in la ii galmoodo, waayo aniga iima kala soocna tilmaamaha dadka aan la kulmo”.

Randy ayaa markii ugu horeysay jaceyl ku dhacay iyadoo jirta 17 sano , waxayna ku weyday bikro-ahaanshaheedii , taasi ayaa ka dhigtay inay nolosheedii u roganto galmood jaceyka, tan iyo waqtigaasi waxay gogol dhaaf la sameysay in ku dhow kun nin , mana heysato wax diiwaan ah oo dadkaasi ay ku qoran yihiin .

Waxay tiri Randy “ dadka intooda badan waan is fahamnaa , waayo waxaan ahay qof soo jiidasho leh oo dabi hugan, waayo sigaar ma cabi, mana isticmaalo waxyaabaha ka sameysan alkolada ,iyo maandooriyaasha , inkastoo sidaa ay jirto waxaan la jiiftay ku dhawaad kun nin” .

Randy ayaa sheegtay in la siiyay dawooyin lagu hurdasiinayay xubnaha dareemaha ku abuuran jirkeeda si loo qaboojiyo hamuunta galmood ee inta badan uu qabto, laakiin taasi aaney waxba ka qaban arrinta ay u dhiban tahay .

W/tarjumay : Ali Abdi Ali “Suheifa”
asuheifa@hotmail.com
Mogadishu-Somalia