Gabar lagu magacaabo Ayaan ayaa waxay jacaylkeeda ku weysay u gar gaarid Ruux kale oo la ildarnaa jacayl uu muddo qarsanaayey.


Sida uu ku soo waramayo wariyaheena Magaalada Muqdisho Ayaan ayaa waxaa u yimid wiil lagu magacaabo Asad kasoo u dansheegtay una sheegay in gabar lagu Magacaabo Sahro Geele uu si aad ah u jecel yahay, Ayaana ka codsaday inay wax kala qabato jacaylkiisa sida uu ku hanan lahaa.


Ayaan oo ahayd qof Caaqilad ah kuna roon dhinaca Jacaylka ayaa waxay bilowday in ay Samafal jacayl u fidiso iyadoo wiilka u sheegtay in gurigeeda uu ugu yimaado gabar uu jecel yahay ee Sahro Geelana ay u ballaminayso, laakiin Muqtaar Iidle oo ahaa wiil ay Ayaan aad u jecleyd ayaa kulanka iyo shaxda hoose ee u gar gaarida Jacaylka Ayaan ay waday u arkay mid ay xiriir ku leeyihiin labadaasi ruux.

Ayaan oo qabaar Moog ah ayaa Saaxiibkeed Muqtaar Iidle kala kulantay ereyo aan munaasab ahayn waxa uuna u sheegay in jacaylkeeda uu ka tanaasulay isagoo intaas u raaciyey inay xiriir la yeelatay Asad sidaana ku weysay jacaylkeeda iyadoo ku guda jirta u gar gaarid ruux kale oo la il daran jacayl, sidaasna ku beylihisay jacaylkeeda.

Dhalinyaro degen xaafado ayaa la sheegay in ay arrinta soo dhex galeen kuwaas oo wax ka ogaa Samafalka Jacayl ay fidinaysay Ayaan laakiin Muqtaar ayaa la sheegay in uu ka dhaga adeygay arrintaasi.