Madaxweynaha dowladda Somalia Shariif Sheekh Axmed oo shir jaraa’id ku qabtay maanta aqalka madaxtooyada ee Villa-Somalia ayaa ku eedeeyay gudoomiyaha ururka isbaheysiga Xisbul Islaam Sheekh Xasan Daahir Aweys in haatan dagaal uu dulaal uga yahay Eritrea uu ka wado Somalia.
Madaxweyne Shariif ayaa ku dhaliilay Sheekh Xasan Daahir Aweys inaanu u madax banaaneyn dagaalka uu xilligaan ka wado Somalia gaar ahaan magaalada Muqdisho waxaanu carabka ku dhuftay in dagaalkaasi ay ku wehliyaan saraakiil ajaaniba oo isugu jira Al-Qaacida iyo kuwo kale oo ka soo jeeda wadankaasi Eritrea.
"Yacni xaqiiq waxaa ah in jidadka Muqdisho qaarkood lagu arkayo dagaal yahano Al-Qaacidda ah kuwaas oo hogaaminaya dagaalka socda, waan ka xumahay in dagaalku sii socda wax faa’iido ahna uguma jiraan Somalia, Al-Qaaciddana waxay wadataa dano iyada u gooniya, Sheekh Xasan saaxiibkeygii hore sidaas raali isagamaanu ahayn wuxuu ku socdaa shar aan laga soo laaban karin" ayuu yiri Shariif Sheekh Axmed.
Sidoo kale madaxweynaha Somalia ayaa wariyaasha u sheegay in la soo kordhinayo ciidamada Midowga Afrika ee AMISOM kuwaas oo la gaarsiinayo 8000 oo askari sidii horeyba uu qorshuhu u ahaa.
Hadalka madaxweyne Shariif Sheekh Axmed ayaa soo baxaya xilli maanta oo Axadda qaybo ka mida caasimadda Somalia ee Muqdisho ay madaafiic duqeyn ahaa hareeyeen kuwaasi oo waxyeelo ay ka soo gaartay dad u badnaa rayid ay madaafiicdu ugu tageen guryahooda.
Dagaalada ka sii socda magaalada Muqdisho ayey ku barakaceen in ka badan 160,000 oo qoys sida ay dhawaantani sheegeen hay’adaha samafalka ee Jimciyadda Qurumaha ka dhaxeysa.
|
No Comments have been Posted. - Wax Faalo ah ma Dirin.
|
|
Rating is available to Members only.
Please login or register to vote.
No Ratings have been Posted.
|
