Ilaa 4-qofood ayaa ku dhimatay 13-qofood waa ay ku dhaawacantay Duqeymo iyo dagaalo goos goos oo maanta ciidamada dowladda iyo Xoogaga hubaysan ku dhexmaray degmada Kaaraan iyo duqeyn ciidamada AMISOM iyo kuwa dowladda ay u geysteen degmda Hodon ee gobolka Banaadir.

Duqeymahaani ayaa duhurnimnadii maanta waxaa ay ka dhaceen qeybo ka mid ah degmada Hodon ee gobolka Banaadir gaar ahaan Xaafadda K.p.p iyo Siigaale Halkaasi oo ay ku soo dhaceen Ilaa dhowr madfac.

Madaafiicdaani ayaa waxa ay saamayn ku yeesheen dadka fara ku tiriska ah ee ku dhaqan xafadahaasi kuwaasi oo mur qura ka warhaley madaafiic dushooda ku soo hoobatay.

Duqeynta ayaan waxaa ku nafwaayay ilaa 4-qofood oo rayid ah iyadoo saraakiisha Gaadiidka gurmadka deg deg ah ay Idaacada Shabelle u sheegeen in ay qaadeen dhaawaca 7-qof oo rayid ah kuwaasi oo madaafiici ay Xaafadahooda ugu tagtay.

Dhanka Kale Dagaalo goos goos ah oo ciidamada dowladda iyo xoogaga hubaysan ku dhexmaray Xaafado ka tirsan degmda Kaaraan ee Gobolak Banaadir ayaa waxaa ay sababeen dhaawaca ilaa 6-fodood oo rayid ah kuwaasi oo ay Xaafadahooda ugu Tageen rasaas Habow ah oo ka mid aheyd kuwii la is weydarsanayay.