Dagaal Qaraar oo u dhexeeya Maxkamadaha Islaamka iyo Xarrakada Al-shabaab haatan ka socda Deegaanka Ceelbaraf ee Gobolka Sh/dhexe
Wararka ka imaanaya Magaalada Jowhar ee Gobolka Sh/Dhexe ayaa sheegaya in haatan uu dagaal qaraar ka socdo Deegaanka Ceel Baraf , iyadoo dagaalkaasi uu u dhexeeyo Xarakada Al-shabaab iyo Maxkamadaha Islaamka ee taageersan dowladda KMG ahy ee Soomaaliya.
Dagaalka ayaa la isku adeegsanaayaa hubka noocyadiisa kala duwan, sida ay sheegayaan goobjoogayaal ku sugan deegaanka lagu dagaalamayo, iyadoo dagaalku uu weli ka socda deegaankaas ayaa waxaa la sheegayaa in dadka rayidka ah ay la soo deristay cabsi aad u xooggan.
Wararku waxa ay sheegayaan in 6-qof oo dhinacyadii dagaalamayay ay ku dhaawacmeen dagaalka saakay bilowday, balse la filan karo in khasaaruhu intaas ka badan yahay, maadaama uu weli dagaalku si toos ah uga socdo deegaankaas, sidoo kale waxaa dagaalkaasi ku naf waayay ilaa 3-ruux oo kale oo iyagu ah dhinacyadii dagaalamayay.
Dad ku sugan Magaalada Jowhar ayaa sheegaya in la soo weeraray deegaanka oo ay maalmo ka hor la wareegeen xarrakada Al-shabaab oo dagaal kula jirta dowladda KMG ah ee Soomaaliya, iyadoo dagaalku ahaa mid aad u xoog badan.
|
No Comments have been Posted. - Wax Faalo ah ma Dirin.
|
|
Rating is available to Members only.
Please login or register to vote.
No Ratings have been Posted.
|
