Madaxweyne Sheekh Shariif iyo wafdi uu hogaaminayo oo goor dhow u ambabaxay dalka Libiya
Madaxweynaha Dowladda KMG ah ee Soomaaliya Sheekh Shariif iyo wafdi uu hogaaminaya ayaa goor dhow ka dhoofay Garoonka Diyaaradaha Magaalada Muqdisho, iyadoo ay ka qaaday diyaarad qaas ah oo u kireyneyd isaga iyo wafdi uu hogaaminayo.
Madaxweynaha ayaa ku sii jeeda wadanka Libiya si uu uga qeyb galayo Kulanka ay Madaxweynayaasha Afrika uga furmayo 1-da Bisha July ee soo socota., iyadoo shirkaasi ay iusugu nimaan doonaan Madaxda Dalalka afrikaanka ah, loogana hadlo arrimo dhowr ah.
Wafdigaani uu Madaweynaha hogaaminaya ayaa ka mid ah Wasiiro iyo mudanayaal ka tirsan Baarlamaanka, iyadoo ay kala qeyb geli doona kulankaas,waxaana halkaasi uga sii horeeyo Wasiirkiisa Arrimaha Dibada Oomaar.
Shirkaan ay yeelanayaan Madaxda Afrika ayaa waxaa ka mid ah ahandaha looga hadlaayo arrinta Soomaaliya, iyadoo madaxweynaha Soomaaliya uu halkaasi ka soo jeedin doono khudbad aad u dheer oo uu uga hadlaayo xaaladda Dalka Soomaaliya iyo waxyaabaha hortaagan Xukuumadiisa.
|
No Comments have been Posted. - Wax Faalo ah ma Dirin.
|
|
Rating is available to Members only.
Please login or register to vote.
No Ratings have been Posted.
|
