Sheikh C/risaaq Max’ed Qayloow oo ah ku simaha afhayeenka midowga maxaakiimta islaamiga ee ku biiray dowlada kmg Soomaaliya oo maanta shir jaraa’id oo uu kaga hadlayay munaasabada 1-luulyo oo ku beegan maalintii uu xoroobay dalka Somaaliya islamarkaana ay midoobeen gobolada Waqooyi iyo kuwa koofureed ee dalka Soomaaiya ku qabtay Magaalada Muqdisho ayaa waxa uu sheegay in ay mar dhow ay soo afjari doonan dagaalada ay doowladu kula jirto xoogaga hubaaysan ee ka soo hor jeedo dowladda KMG Soomaaliya oo bilihii u danbeeyay ku dagaalamayay xaafada ka mid ah dagmooyin gobolka Banaadir.

Ku simaha afhayeenka midowga maxaakiimta Sheikh C/risaaq Max’ed Qayloow waxa uu sidoo kale shirkiisa jaraa’id ku sheegay in ay wax ka qabteen dhibaatooyin ay ciidamada dowlada ku hayeen dadka shacabka ah isla markaana ay diyaar u yihiin in ay wali wax u qabtaan dadka shacabka ah sida uu tilmaamay

Shirkaan jaraa’id ee uu maanta Magaalada Muqdisho ku qabtay kusimaha Afhayeenka Maxkamadaha uuna ku sheegay in ay ku soo Afjari doonaan dagaalada ka socda Magaalada Muqdisho ayaa imaanaya xili bilihii u dambeeyay dagaalo iyo duqeymo ay dadi ku dhinteen gudaha Magaalada Muqdisho uu u dhexmaray Ciidamada dowladda iyo Xoogaga hubaysan ee ka soo horjeeda iyadoona inta badan degmooyinka iyo deegaanada lagu dagaalamay ay la wareegeen Xoogaga hubaysan e ka soo horjeeda dowladda KMG Soomaaliya.