dowlada KMG oo sheegtay in Ajaaniib Dalka ay ku soo qul quleeyso.
Dowlada KMG ah ee uu madaxda ka yahay Madaxweyne Sheekh Sahrif Sh Axmed ayaa maanta sheegtay in ay ogaatay in Kooxda Al Shabaab ay Muqdisho soo geliyeen maalmihi lasoo dhaafay ajaanib kale oo hor leh oo doonaya in ay ka bar bar dagaalamaan islaamiyiinta kasoo horjeeda dowlada.
Taliska milateriga dowladda soomaaliya ayaa ku eedeeyay kooxda Al-Shabaab in maalmihii la soo dhaafay ay dekeda macmalka Ceel-macaan ka soo dajiyeen dagaalyahano ajaaniib ah, kuwaasoo uu sheegay in dagaaladii xalay ka qeyb qaateen.
Afhayeenka Ciidamada Milateriga Aadan Ibraahim Kaalmoy ayaa sheegay in sirdoonka dowladda uu ka war helay macluumaad ku aadan in kooxo ajaaniib ah laga soo dajiyay Dekeda ceel-macaan ee duleedka Muqdisho.
"Macluumaadka aan heleyno waxaa ka mid ah in in ka badan 170-nin oo ajaaniib ah in kooxaha qaran-diidka ka soo dajiyeen dekeda ceel-macaan, waliba xalay ayaa u horeysay dagaalka waa ka qeyb qaateen"ayuu yiri Aadan Kaalmoy.
Aadan Kaalmoy ayaa xusay dalalka ay u dhasheen ajaaniibtaas, waxaana uu tilmaamay in ay u badnaayeen Itoobiyaan ka soo jeeda qowmiyadaha kala duwan.
Sidoo kale waxaa uu sheegay in dagaaladii xalay qasaare ku gaaray
dagaalyahanadaas, waxaana uu tibaaxay in howl galka dhowaan ay rajeyneyso dowladda soomaaliya in lagu soo afjari doono sida uu hadalka u dhigay.
Ma ahan markii u horeysay ee dowladda soomaaliya ay sheegto in ay jiraan ajaaniib ka bar bar dagaalama kooxaha mucaaradka, waxaase marar badan ay qirteen kooxahaas inay la joogaan waxa ay u yaqaanaan muhaajiriin
|
No Comments have been Posted. - Wax Faalo ah ma Dirin.
|
|
Rating is available to Members only.
Please login or register to vote.
No Ratings have been Posted.
|
