Barakac xoogan ayaa saaka ka soconaya degmooyin ka tirsan gobolka banaadir, gaar ahaan degmooyin shalay uu saameeyay dagaalo lagu hoobtay oo dad badan ku le'deen.
Degmooyinka Yaaqshiid, Kaaraan iyo Huriwaa ayaa ka mid ah goobaha sida daran looga qaxayo, waxaana dadka barakacaya oo u badan caruur iyo haween ay qaarkood ku jahwareersan yihiin meel ay afka aadiyaan.
Cabsida iyo wal walka dadkan ka muuqdo ayaa ah dhibaatooyinka ka soo gaara dagaalada, gaar ahaan marka ay timaado duqeymaha indha la'aanta ee ku dul habsaday guryahooda.
Xaafadaha Towfiiq, Juungal iyo Suuq Bacaad ayaa shalay oo kaliya waxaa ku dhintay tobaneeyo ruux oo rayid ahaa, kuwaasoo shan ka mid ah isku qoys ahaa, markii madfac uu ku dul habsaday.
Dhaawacyada dadka rayidka ayaa caga cageynaya 70-meeyo, waxaana anfariirka dadka uu yahay mid ku yimid markii madaafiic daran doori ah ay ku hoobteen deegaano ka baxsan goobaha lagu dagaalamayo.
Goobaha caafimaadka ayaa sheegaya in ay xamili la'yihiin dhaawacyada faraha badan ee daqiiqad daqiiqad u soo gaaraya, waxaana Isbitaalada yihiin kuwo aad u buux dhaafiyay oo xataa sariirihii bukaanada la seexin lahaa ay buuxsameen.
Dagaalada dib uga bilowday Caasimada Muqdisho ayaa ahaa mid maalmihii la soo dhaafay la hadal hayay, kaasoo qorshihiisa ay waday dowladda Soomaaliya, waxaana ay haatan garab buuxa ka heleysaa Ciidamada Amisom.
|
No Comments have been Posted. - Wax Faalo ah ma Dirin.
|
|
Rating is available to Members only.
Please login or register to vote.
No Ratings have been Posted.
|
