War deg deg ah : Xarakada Al Shabaab Xad oo galabta Seddex Dhalinyaro ah gacamaha iyo lugaha uga jaray magaalada Jowhar.
Maamulka Al Shabaab ee magaalada Jowhar ayaa galabta waxa ay xad gacan gooyn iyo lug gooyn ah ku fuliyeen 3 ruux oo dhalinyaro ah oo lagu eedeyey falal burcadnimo ah.
Goobta gacanta iyo lugaha lagu gooyey galabta oo ah garoonka K/cagta ee Xafada Hanti-Wadaag ee magaalada Jowhar aya waxaa goob joog ka ahaa saraakiilsha Al Shabaab magaalada Jowhar, koox Al Shabaab u qaabilsan fulinta xadka oo ka baxday magaalada Muqdisho iyo boqolaal dadweynaha oo daawanayey.
Marka hore dadweynaha ayaa waxaa la hadlay gudoomiyaha Maxkamada xukuna riday , waxa uuna dadka u sheegay in raga ay xad ku fulinayaan ay burcda yihiin islamrarkaana xad lagu oofinayo, waxa uuna ku dhawaaqay xukuna dhalinyarada, waxaana marka hore gacan iyo luga isdhaaf ah laga jaray Maxmed Cali Sh.
Nuur oo ah 28 jir iyo Xasan bashir Cabdi oo isna da,diisa lagu sheegay 30 jir, waxaana labadaasi ruux lagu eedeeyey in ay dhac u geeysteen gaari marayey galbeedka magaalada Jowhar ka dibna deeganada galbeed ciidamada Al Shabaab ay ka soo qabteen.
Ka dib makii labadaasi ruux xadka lagu fuliyey ayaa waxa fagaaraha la soo istaajiyey wiil dhalinyaro ah oo ka mid ah dhalinyarada magaalada Jowhar kaa oo lagu magacaabo Maxamed Yusuf Ibraahim Goobe ,waxaan laga jaray gacanta midig, waxaana lagu sheegay in uu xaday lacag dhan 6 Milyan oo Shilin Soomali ah.
Waa markii ugu horeessay tan iyo bilowkii sagaashamaadkii xad sidaan oo kalaah laga fuliyey magaalada Jowhar markaasi ee uu jiray mamulka Sheekh Cali dheere, hasa ahaatee arintaani ayaa imaaneeysa xili Macalin C/raxmaan Xasan Xuseen oo ahaa Gudoomiyihii Al Shabaaab ee Gobolka Sh/Dhexe xilka laga qaaday maamulka cusubna loo magacaabay.
|
No Comments have been Posted. - Wax Faalo ah ma Dirin.
|
|
Rating is available to Members only.
Please login or register to vote.
No Ratings have been Posted.
|
