Waxaa caawa xasiloon magaalada Muqdisho oo shalay ilaa iyo maanta u marti noqotay dagaal iyo duqeeyn cuslus oo u dhaxeeysay ciidamada Midoowka Afrika oo u hiilinya ciidamada dowlada iyo xoogaga mucaaradka ah.

Marka laga soo tago dagaaladii shalay ayaa dagaalada maanta oo kaliyah waxa ku dhintay ilaa 30 ruux halka dhaawacana uu garaarayo 80 kale oo ah dad rayid ah oo ay ka mid yihiin haween iyo caruur hasa ahaatee waxaa intaasi dheer qasaaraha dhimasho ee gaaray dhinacyada dagaalamay oo aan tira ahaan laga warhaayn.

Warar leeysku soo uruuriyey ayaa ku waramaya in qasaaraha dadka rayid ka ah ka gaaray shalay iyo maanta dagaalada iyo duqeeymaha ay ku dhowdahay in ay tiro beelaaan maadama jawiga magaalada uu qasnaa maalmaha dagaalka tirada dhimashadana ay sii badaneeyso.

Gabi ahaan dadka shacabka ah ee daagaalada noloshooda ay galaafteen ayaa ku dhowan 60 meeyo halka dadka dhaawacana ay ka badan yihiin 150 ruux, hasa ahatee waxaa dadka intaaasi u dheeri ah jahwareer dagaalada ay ka qadeen iyadoona qeybo badan oo ka mid ah magaalada Muqdisho dadka ay uga qaxeen madaafiic awgeed.

sheegashada faanka ah ee dhinacyada iska soo horjeeda marka laga reebo ayaasna jirin guulo la taban karo ee dagaalka dhinacyada ishaya ay ka gaareen , waxaana caawa woqooyiga Muqdisho qolo walba aag uga jirtaa goobteedii hore.