Xaalad degenaansho aan caga badan ku taagneyn oo ka jirta goobihii lagu dagaalamay
Xaalada degenaansho aan la isku haleyn karin ayaa ka jirta goobihii shalay lagu dagaalamay, iyadoo saaka laga maqlayo rasaas goos goos ah oo ay is dhaafsanayaan dhinacyada iska soo horjeeda
Inkastoo dagaalkii gelinkii hore loogala wareegay kooxaha mucaaradka meelihii ay ku sugnaayeen, ayaa hadana guushaas aanay noqon mid ay hantiyaan ciidamada dowladda, deegaanada qaar ay u xoreeyeen ciidamada Amisom oo taangiyo wata.
Wararka ayaa sheegaya in markii Ciidamada Amisom ka baxeen meelihii ay qabteen ay ciidamada dowladda iyagana soo faarujiyeen, taasoo keentay in mucaaradka ay dib isu soo abaabulaan, kuna soo laabtaan meelihii laga saaray.
Kooxaha mucaaradka ayaa ku sugan Hotel Galobal, iyo nawaaxigiisa, inkastoo aanay daarta Hotelka fuulin, waxaana ciidamada dowladda ay wax ka yar 20-tilaab u jiraan halkii ay qadka cagaaran u calaamadeysteen Ciidamada Amisom halka loo yaqaano KM-0 ee ku dhow Baar Fiat.
Ciidamada dowladda ayaa difaac kaga jira Gurigii Habar Qadiijo, iyagoo dhinacyada wadada ka ridaya rasaas ay ku caabinayaan kooxaha mucaaradka oo ku sugan Hotelka Galobal.
Labada dhinac waa dowladda iyo mucaaradka ayaa si iska soo horjeeda guulo uga kala sheegtay dagaalka, waxaana dhinac walba uu ku goodiyay in dagaalka uu sii wadayo.
Dagaaladii labadii maalmood ka dhacayay magaalada Muqdisho oo ahaa ijiid aan ku jiidee ayaa labada dhinacba wax natiijo ah ka kala gaarin, marka laga reebo goobo ay kala qabsadeen oo marba dhinac uu la wareegay.
|
No Comments have been Posted. - Wax Faalo ah ma Dirin.
|
|
Rating is available to Members only.
Please login or register to vote.
No Ratings have been Posted.
|
